|
Vitaskilti á Húsavík afhjúpað |
|
|
|
Vitaskilti á Húsavík afhjúpað
Föstudaginn 4. ágúst 2006 afhjúpaði samgönguráðherra, Sturla Böðvarsson vitaskilti á þaki gömlu verbúðarinnar á Húsavík. Á skiltinu eru að finna myndir og upplýsingar um vita á svæðinu frá Gjögurtáarvita í vestri og austur fyrir Langanes.
Hörður Sigurbjarnarson, framkvæmdastjóri Norðursiglingar, hafði forgöngu um málið með stuðningi Atvinnuþróunarfélags Þingeyinga og Siglingastofnun. Atvinnuþróunarfélagið mun síðan vinna áfram með sögu vitanna, merkja gönguleiðir á milli þeirra, koma upp skiltum um fuglaskoðun og fl.
Íslenska vitafélagið fagnar þessu framtaki Húsvíkinga og óskar þeim, Þingeyingum og landsmönnum öllum til hamingju.
Rétt eins og vitarnir tryggðu atvinnuöryggi þegar þeir voru reistir, geta þeir nú stuðlað að nýsköpun og atvinnuuppbyggingu.
|
