Gullöld trébáta og nýting strandmenningar í ferðaþjónustu

Að venju voru líflegar umræður á fræðslukvöldi Íslenska vitafélagsins miðvikudagskvöldið 27. mars þegar Emil Ragnarsson fræddi gesti um gullöld trébáta á Íslandi og Hörður Sigurbjarnarson, framkvæmdarstjóri Norður–Siglingar, sagði frá uppbyggingu fyrirtækisins.

Í erindi Emils kom m.a. fram að seinni heimsstyrjöldin var tími mikillar grósku í smíði fiskiskipa og á árunum 1945-1947 var blómaskeið í endurnýjun fiskiskipastólsins með trébátum.
Nú standa fáar skipasmíðastöðvar uppi og keppst er um að rífa slippi landsins - handverk skipasmíða að falla í gleymsku.

Hvalaskoðun, Norður-Sigling og Húsavík er í hugum margra ein órjúfanleg heild. En færri vita um fyrstu spor fyrirtækisins og þá samstæðu heild sem þessir forkólfar íslenskrar strandmenningar hafa skapað á Húsavík. Í erindi sínu fræddi Hörður gesti um starfsemi fyrirtækisins á landi og sjó og sýndi einnig myndir af vitum á Norðausturlandi og sagði frá starfi Atvinnuþróunarfélags Þingeyinga sem nú vinnur að því að tengja vita svæðisins við ferðaþjónustu og aðra atvinnuuppbyggingu.




www.vitafelagid.com