Spegill fortíðar-silfur framtíðar

Fræðslufundur 6. mars 2019, kl. 20.00

Yfirskrift fræðaslufunda starfsársins 2018-2019 er umhverfismál við haf og strönd.

Einar Kristinn Guðfinnsson, stjórnarformaður Landssambands fiskeldisstöðva; Fiskeldi á Íslandi.

Einar Kritinn Guðfinnsson, fyrrum alþingismaður, sjávarútvegs- og landbúnaðarráðherra og forseti Alþingis. Hann gegnir nú starfi stjórnarformanns Landssamtaka fiskeldisstöðva,

Jón Kaldal,blaðamaður, Icelandic Wildlife Fund: Laxeldi í opnum sjókvíum er mengandi iðnaður sem ógnar lífríki Íslands. Sjókvíaeldi er ekki aðeins slæmt fyrir umhverfið heldur líka afar nöturleg aðferð við matvælaframleiðslu, því aðbúnaður eldisdýranna er hræðilegur.

Jón Kaldal er einn aðstandenda umhverfissjóðsins The Icelandic Wildlife Fund. Hann hefur starfað við fjölmiðla í meira en aldarfjórðung og hefur meðal annars verið ritstjóri Iceland Review, Fréttablaðsins og Fréttatímans.

Staður og stund; Húsnæði Sjóstangaveiðifélags Reykjavíkur, Grandagarði 18, Reykjavík. Miðvikudagskvöldið 6.  mars 2019 klukkan 20:00.  Fundinum verður streymt á You Tube


Umhverfismál í höfnum

Fræðslufundur 6 febrúar 2019, kl. 20.00

 

Gísli Gíslason, formaður Hafnarsambands Íslands og Faxaflóahafna:  Umhverfismál í höfnum, sjávargæðamælingar og umhverfisvottun.

Gísli mun fjalla um hafnir og hvernig umhverfismál eru sífellt að verða sýnilegra og stærra verkefni hafna. Gísli mun einnig fjalla um hertar reglur um sorp, útblástur og landtengingar og almennt um sjávargæðamælingar og umhverfisvottun.

Gnýr Guðmundsson, verkefnastjóri áætlana á þróunar- og tæknisviði hjá Landsneti:  Orkunotkun í höfnum.

Gnýr er verkefnastjóri áætlana hjá Landsneti og í erindi sínu mun hann fjalla um tæknina á bak við landtengingar skipa, kosti og galla og kostnað við að koma upp landtengingum. Síðan mun hann ræða um getu raforkukerfisins til að fæða þessi skip ef að þau yrðu tengd, hvaða mögulegar eru til staðar í að skaffa þetta afl á mismunandi stöðum á landinu og hvort að sé til næg orka.  

Staður og stund: Húsnæði Sjóstangaveiðifélags Reykavíkur

Grandagarði 18, Reykjavík    


Spegill fortíðar – silfur framtíðar

Fræðslufundur Vitafélagsins-íslensk strandmenning
9 janúar, 2019, kl. 20.00  

Yfirskrift fræðslufunda starfsársins 2018-2019 er
umhverfismál við haf og strönd

Gauti Geirsson, nemi í sjávarútvegsfræðum: Plast, hinn nýi reki á Hornströndum

Í erindinu ætlar hann að segja frá áhugamannafélaginu Hreinni Hornstrandir sem heldur utanum hreinsunina og árangri þess. Jafnramt setur hann hreinsunina í samhengi við þann gríðarlega stóra vanda sem plast í hafi er og hvað við teljum að þurfi að gera til þess að laga ástandið.

Gauti er nemi í sjávarútvegsfræði við Háskólann í Tromsø. Hann kemur frá Ísafirði og hefur undanfarin 5 ár staðið fyrir hreinsun á plasti og rusli á Hornströndum á Vestfjörðum. Hornstrandir eru eitt einangraðasta svæði landsins en þar lagðist byggð í eyði árið 1952. Þangað liggja engir vegir en vegna strauma í kringum landið hafa þetta verið miklar rekastrendur. Framan af var það aðallega rekaviður sem rak upp í fjörurnar sem á ættir sínar að rekja til Síberíu. Á seinni árum hefur rekaviðurinn minnkað en nýr reki hefur tekið við í staðinn en það er plast 

 Hrönn Ólína Jörundsdóttir, umhverfisefnafræðingur: Skólphreinsun og örplast í skólpi

Í fyrirlestrinum fjallar Hrönn um niðurstöður norræns samstarfsverkefnis þar sem rannsakað var hvort skólphreinsun væri nægjanleg til að hefta för öragna og örplasts úr skólpi út í umhverfið. Verkefnið var samstarf Matís á Íslandi, sænsku Umhverfisstofnunarinnar, finnsku Umhverfisstofnunarinnar og Aalto Háskóla og var styrkt af Norrænu ráðherranefndinni. Niðurstöður rannsóknarinnar sýna að íslenskar skólphreinistöðvar sem eru með 1.stigs hreinsun ná ekki að hreinsa örplast úr skólpi og þessar agnir sleppa því óhindrað út í umhverfið.

Hrönn er  umhverfisefnafræðingur með B.Sc. í efnafræði frá HÍ og svo M.Sc. og Ph.D. frá Stokkhólmsháskóla í umhverfisefnafræði þar sem hún sérhæfði sig í efnagreiningum á umhverfismengun og áhrif á lífverur. Hún hefur starfað hjá Matís frá árinu 2009 og er í dag sviðsstjóri Mæliþjónustu og innviða. Í dag er hún helst að vinna með matvælaöryggi, áhættumat, stefnumótun og áhættumiðlun ásamt rannsóknum á umhverfismálum.

Staður og stund: Húsnæði Sjóstangaveiðifélags Reykavíkur
Grandagarði 18, Reykjavík
Mið
vikudagurinn 9 janúar, 2019 kl. 20.00


Skemmtiferðaskip-tækifæri og ógnir

Fræðslufundur Vitafélagsins-íslensk strandmenning

7 nóvember, 2018, kl. 20.00  

Skemmtiferðaskip, tækifæri og áskoranir  þessarar ferðaþjónustu

Þórný Barðadóttir, sérfræðingur á Rannsóknamiðstöð ferðamála

Móttaka skemmtiferðaskipa – niðurstöður viðtalsrannsóknar

Þórný hefur undanfarin ár beint rannsóknum sínum að ferðaþjónustu sem tengist komum skemmtiferðaskipa til landsins.  Í þessum fyrirlestri mun hún segja frá niðurstöðum rannsóknar af viðtölum við móttöku- og þjónustuaðila skemmtiferðaskipa.  Mun hún fjalla um þau tækifæri og áskoranir sem þessi angi ferðaþjónustunnar stendur frammi fyrir.

Eftir fyrirlesturinn verða opnar umræður um þau atriði sem tengjast þessu viðfangsefni.

Staður og stund: Húsnæði Sjóstangaveiðifélags Reykavíkur

Grandagarði 18, Reykjavík                                     

 

 


Dagskrá vetrarins 2018-2019

 

Spegill fortíðar-silfur framtíðar 2018-2019

Grandagarði 18, 2 hæð, Reykjavík

Umhverfismál við haf og strönd

Hefðbundin dagskrá Vitafélagsins hefst 3. október 2018. Athygli er vakin á því að dagskrá vetrarins verður haldin í húsnæði Sjóstangaveiðifélags Reykjavíkur að Grandagarði 18, 2. hæð. Dagskrá vetrarins verður helguð umhverfismálum, bæði á sjó og landi. Allir fyrirlestrarnir hefjast klukkan 20:00.

Fyrirlestrar veturinn 2018-2019

  1. október Árni Finnsson, formaður Náttúruverndarsamtaka Íslands;

Hvað hefur Ísland gert, hvað hefur Ísland ekki gert og hvað getur Ísland gert eða verður að gera – til að vernda hafið

Björn Erlingsson, hafeðlisfræðingur; Sjávarflóð, strandbyggðir og minjar – hækkun sjávarborðs. Björn Erlingsson

  1. nóvember Sigríður Ósk Kristjánsdóttir, framkvæmdastjóri Vestfjarðastofu; Skemmtiferðaskip á Ísafirði

Kristín Ósk Jónasdóttir, sérfræðingur hjá Umhverfisstofnun með umsjón með Hornstrandafriðlandinu; Landtaka skemmtiferðaskipa utan hafna.

  1. janúar Gauti Geirsson, nemi í heimskautafræðum; Plast, hinn nýi reki á Hornströndum

Hrönn Ólína Jörundsdóttir, sviðsstjóri mæliþjónustu og innviða hjá MATIS; Örplast í hafi  

  1. febrúar Gísli Gíslason, formaður Hafnarsambands Íslands og Faxaflóahafna; Umhverfismál í höfnum, hertar reglur um sorp – útblástur og landtengingar

Gnýr Guðmundsson, verkefnastjóri áætlana á þróunar og tæknisviði hjá Landsneti; Orkunotkun í höfnum

  1. mars Jón Kaldal,blaðamaður, Icelandic Wildlife Fund; Laxeldi í opnum sjókvíum er mengandi iðnaður sem ógnar lífríki Íslands. Sjókvíaeldi er ekki aðeins slæmt fyrir umhverfið heldur líka afar nöturleg aðferð við matvælaframleiðslu, því aðbúnaður eldisdýranna er hræðilegur.  

Kristján Þ. Davíðsson framkvæmdastjóri Landssamband fiskeldisstöðva; Fiskeldi

  1. apríl Torfi Þ. Þorsteinsson og Kristín Helga W. Knútsdóttir, aðstoðarmaður forstjóra HB Granda; Ábyrg verðmætasköpun úr sjávarfangi

Guðmundur Ingi Guðbrandsson, umhverfisráðherra; Umhverfismál við sjávarsíðuna – stefna íslenskra stjórnvalda


Bátasmíðanámskeið á Strandmenningarhátíð

Strandmenningarhátíð 2018


Bátasmíðanámskeið á Strandmenningarhátíð 
Dagana 4. – 8. júlí fer fram á Siglufirði Norræn Strandmenningarhátíð. Hátíðinni er ætlað að vekja athygli á strandmenningu í allri sinni fjölbreytni og kynna fyrir almenningi.
Meðal þess sem á dagskrá verður er bátasmíðanámskeið undir handleiðslu Hafliða Aðalsteinssonar bátasmiðs úr Breiðafirði og Einars Borgfjörd bátasmiðs frá Noregi.
Kennsla fer fram í Gamla Slippnum. Unnið verður að viðgerð eldri báta sem og nýsmíði á norskum súðbyrðingi. Kennt verður föstudaginn 6. júlí frá kl. 13:00 – 18:00 og laugardaginn 7. júlí frá kl. 10:00 – 18:00. 
Þátttaka er að kostnaðarlausu en skráningu þarf að tilkynna Anitu Elefsen, safnstjóra Síldarminjasafnsins, í síma 865 2036 eða með tölvupósti á netfangið: anita(at)sild.is


Norræn strandmenningarhátíð 4. – 8. júlí 2018

Norræn strandmenningarhátíð 4. – 8. júlí 2018

Norræna strandmenningarhátíðin NORDISK KUSTKULTUR verður haldin á Siglufirði dagana 4-8 júlí 2018. Hátíðin er sú sjöunda í röðinni og ber yfirskriftina; Tónlist við haf og strönd. Á sama tíma fer Þjóðlagahátíðin fram, auk þess sem Siglufjörður fagnar 100 ára kaupstaðarafmæli og 200 ára verslunarsögu og þjóðin aldarafmæli sjálfstæðis og fullveldis Íslands. Dagskránna má finna undir flipanum Siglufjörður hér að ofan⇑.


Aðalfundur

Aðalfundur

Vitafélagið-íslensk strandmenning

boðar til aðalfundar félagsins

4 apríl 2018

 

Í húsnæði Sjóstangaveiðifélags Reykjavíkur að Grandagarði 18,  2 hæð Kl. 18.00

 

Dagskrá aðalfundar

  1. Skýrsla formanns
  2. Reikningsuppgjör s.l. árs
  3. Lagabreytingar
  4. Kosning formanns, fjögurra aðalmanna í stjórn og tveggja varamanna.
  5. Kosning tveggja skoðunarmanna til eins árs.
  6. Ákvörðun um félagsgjöld.
  7. Önnur mál.

Eftir aðalfund býður Vitafélagið til fræðsludagskrár sem hefst kl. 20.00


Spegill fortíðar – silfur framtíðar

Spegill fortíðar – silfur framtíðar

Fræðslufundur 4. apríl kl. 20:00

Salur Sjóstangaveiðifélags Reykjavíkur að Grandagarði 18, 2 hæð. ATH. húsið er merkt Hafrannsóknarstofnun

Guðjón Friðriksson, sagnfræðingur.  Sjávarsíðan í Reykjavík á fullveldisári.  Í erindinu mun Guðjón fjalla um Reykjavíkurhöfn og þýðingu hennar fyrir bæinn og þjóðlífið. Einnig mun hann fjalla um Reykjavíkurslipp og hlutverk hans í þróunarsögu hafnarinnar.

Guðjón er sagnfræðingur að mennt og starfaði sem kennari og blaðamaður um 15 ára skeið. Frá 1985 hefur hann helgað sig fræðimennsku og ritstörfum. Eftir hann liggja um 25 bækur um margvísleg sagnfræðileg efni, þar á meðal nokkrar ævisögur. Þrisvar sinnum hefur hann hlotið Íslensku bókmenntaverðlaunin og einnig hefur hann hlotið Verðlaun Jóns Sigurðssonar og Verðlaun Jónasar Hallgrímssonar fyrir verk sín. 


Spegill fortíðar-silfur framtíðar

Spegill fortíðar –silfur framtíðar

Fræðslufundur 7. mars 2018 Kl. 20.00

Sjóstangaveiðifélags Reykjavíkur að Grandagarði 18,  2 hæð. ATH. húsið er merkt Hafrannsóknarstofnun

Dagskrá nýs árs verður helguð árinu 1918 í tilefni 100 ára afmælis sjálfsstæðis Íslendinga.

Margrét Guðmundsdóttir og Þórarinn Hjartarson. Konur og fullveldið. Dagskrá í tali og tónum í flutningi hjónanna Margrétar og Þórarins.

Í dagskránni verður varpað ljósi á stöðu og störf kvenna í tali og tónum. Margrét fjallar bæði um launavinnu, heimilisstörf og sjálfboða vinnu í þágu félagasamtaka. Jafnframt verður hugað að pólitískri þátttöku kvenna og áhrifum þeirra á uppbyggingu fullvalda ríkis á Íslandi. Þórarinn mun lita erindið með tóndæmum sem ætlað er að undirstrika lífssögu formæðra okkar. 

Margrét Guðmundsdóttir er sagnfræðingur og hefur starfað við sjálfstæðar rannsóknir frá árinu 1988 með áherslu á sögu íslenskra kvenna á 19. og 20. öld. Aldarspor bók hennar um sögu Hvítabandsins kom út árið 1995 en þar eru líknarstörf kvenna í forgrunni. Fimm árum síðar kom ritið Í þágu mannúðar en þar er saga Rauða kross Íslands í brennidepli. Verk hennar Saga hjúkrunar á Íslandi á 20. öld var tilnefnt til Íslensku bókmenntaverðlaunanna árið 2010. Margrét hefur einnig komið að uppsetningu sýninga t.d. handritsgerð að sögusýningu í Þvottalaugunum í Reykjavík sem opnuð var árið 1995 og sýningarröðinni Spor kvenna, tólf sýningar um jafnmargar konur úr Dalvíkurbyggð á árunum 2015 til 2016.

Þórarinn Hjartarson hefur jöfnum höndum stundað járnsmíðar, ritstörf og söng. Járnsmíðarnar hefur hann lengst og mest stundað við Slippinn á Akureyri. Þá hefur hefur hann ritað bækur og greinar á sviði sagnfræði, stjórnmála og bókmennta. Í tónlistinn er Þórarinn þjóðlegur mjög og leggur rækt við þjóðlög og kvæðamennsku. Þekktastur er söngur hans á ljóðum Páls Ólafssonar sbr. hljómdiskinn Söngur riddarans frá 2001.